آخر دوا للمفارق بالهوا كية
ماعاد لي طب يشفيني من جروحي
لي علةٍ بالصدر ماهي بمخفيه
ازريت انا اخفي وجعها و أكتمه بوحي
الحل عندك وتدري ماهو بيديه
مالي مع الناس لا سجه ولا مزوحي
عودّ ترى الليل عقبك ما لفى ضيه
من غاب نورك وانا متوسدٍ لوحي
كنت لنهاري دفاه وشمسه وفيه
حبٍ من الله ماارجي فيه مصلوحي
شبيت ناري ونارك بالحشا حيه
واللي يصالي لهيب الحب مفضوحي
ياذيك الايام عندي ماهي منسيه
آون لا جات على هالبال وآنوحي
دروبي الي ورا العارض وانا هنيّه
توحي بلا الشوق ولا منت له توحي
#سلطان_خليفة_حقروص
#آخر_دوا
ــــــــــــــــــــــــــ
حسابات سلطان خليفة على مواقع التواصل :
Official Snapchat: https://www.snapchat.com/add/sultan.k
Official Instagram: https://instagram.com/78roo9_official
Official Twitter: https://twitter.com/Sultankhalifah2
ــــــــــــــــــــــــــ